"PANTUN HUMOR ANGKOLA 2"

#SELAMAT PAGI TAPANULI# 

(Mari Belajar Bikin Pantun)
________________________________________
Mamolus motor sedan
maroban pisang dua mayang
mamolusma poreban
maroban pisang dua mayang

Boltok eme si boto
itonga-tonga ni harangan
boltok inda tar paoto-oto
muda male mangido mangan

Maruttung mada adong borngin
marguna senter di nagolap
maruttung mada adong arian
muda bongin jadi golap

Bahat halak manjou-jou
muda mardalan martolu-tolu
napistar ma halak Batang Toru
modal saribu leng mangolu

I suanma lasiak
manubusi napu di ari poken
idokkonma arga maribak
molo diskon 50 porsen

Mangamuk horbo mandege-dege
parbattean diparsipakkon
mangamuk satpol PP mandege-dege
parjagalan diparsipakkon

Muda mardalan tu nadao
ulang lupa maroban tukkot
muda malungun sian nadao
martona tu koum sisolkot

Toba doda halak utara
panddokkon ni Amattua
tabodo halak Jakarta
duhut-duhut arga sajuta

Pisang madabu ipangan manuk
manuk marlojong idanggur gupak
Misang marlojong ikojar manuk
manuk makkojar maroban gupak

Bayo angin bayo alogo
slogan ni marga harahap
muda ro angin nasangat gogo
masuk tu bagas tiarap.

Jambatan di Panyabungan
torunai maratte bosi
hupajuguk marangan-angan
sian diade asal ni bosi

Adong martrup kala saratus
tiop ari jadi boban
adong truk banna saratus
on mada truk namaroban ban

Hu papodom aso tar sinok
hape mata lek bolnang
hupa bolnang aso tarsinok
hape tar sinok mata lek bolnang

Mardalan pat tu Sappean
tombus muse tu Batu Horpak
ma tolu ari iba malean
pupu muse dope hona dopak

Itappul batang ni botik
hona tu baju margota-gota
ma pandapotan nasa otik
ipe akkon hosa-hosa

Landit mardalan tu Panggulangan
itopi dalan lasiak disuan
hatcit mada nahapuloan
ikelilingi saba naung di suan

Halak marbada martere-tere
marlojong tartuktuk dibatubatu
pisang mas marbatu sere
pisang sitambatu marbatubatu

Mago anduk waktu maridi
I takko jihin naso tarida
Marendema panukkiri
Inda tarida nasotarida

Ro tu bagas mangan
utte utte namanis sian si Alaman
namanisma namar saripe
margandeng dua kiri kanan

Naganjilma di Batang Toru
Palang ni pittu palang togu
naganjil mada mangolu
parumaen diabing amang boru

Manyuan lasiak disi Bulan-bulan
suan dilambung nisi martulan
manyiak ate-ate marbulan bulan
selingkuh sadari idokkon sabulan

Kakakakaka...kkk.... Selamat Pagi dan Selamat Beraktivitas. ________________________________________________________________
Ramtani Ritonga, Dimas Regar, dan Luckiest Haris menyukai ini.