Friday, March 9, 2012

"PANTUN NAPOSO NAULI BULUNG ANGKOLA 1"

#SELAMAT MALAM HALAK SIPIROK#
(Mari belajar bikin pantun) _______________________________________________________________

Diporom dongan naso tarporom
burukpe appang leng naso malamun
di papodom dongan naso tarpodom
haran ni borutulang mambaen lungun

Utte malamun poso-poso
jambu marbatu godang-godang
muda na dapot au di waktu poso
hupaitte gonan sampe matobang

Muda kehe tu dolok-dolok
tarida manaro sian na dao
muda nung padonok-donok
suru gonan padao-dao

Bide-bide sian Silangge
lage-lage parpodoman
ale abang ulang beda kehe
muda kehe oban podoman

Manggadis lasiak arga di tulak
manangkup ikan saba di bulak
putus gandakan so namar tolak
gonanma hupaitte sampe mulak

Marmayam tu aek sigura-gura
ulang lupa maroban pahu
ulang baen abang alasan lupa
anggo nasayang dopeho tu au

Adong danak marlutta-lutta
marlutta-lutta marhuta-huta
ulang lupa di sude janjitta
molo lupa mattak noma hita

Ipaias dalan tu bulu mario
margotong royong mamio-mio
idia do ho anggi aso hu pio
pasombu lungun muda pasuo

Inda binoto tujuan nagot tudia
dihuta sajoma baya martulilla
inda binoto bia adat ni dunia
gagal cita-cita haran ni cinta

Mandurung di aek sagala
dapot haporas dohot gulaen
mankuling muse mada aya
boru hutasuhut baen parumaen

Marpike tu tulason anggi
dapotan tolu ambaroba
baen naro pe au tuson anggi
haran na holong doda roha

Sidempuan ma tu kota medan
namardalan lewat Sipiroki
mangamuk baya si poreban
habis au hona jomaki

Kue lapis di lapis-lapis
manginup kopi di namanyabi
harto habis hepeng pe habis
janji kawin leng naso jadi

Hutabusi anggi gulo pago-pago
boanon marmayam tu si mago-mago
cintaki anggi nakkan na mago
huhaholongi ho satolap ni gogo

Muda mardalan di toru gas-gas
ulang mardalan marbaris-baris
madung pitu taon do hai margandak
leng naso ungada dope dais

_______________________________________________________________
Kakakakaka...kkk....otak nion majo anggia. Mangamuk naron borutulangi, "ne
nung ama-ama doho" ninna muse lalu  Hahaha... hape boltul. Enter...!

Selamat Malam Minggu kawan...!
__________________________________________________
Cat :
* Sampai 1 Januari 2013 dilihat 57 kali

No comments:

Post a Comment