Thursday, July 5, 2012

"PANTUN RAMADHAN 1" Bhs. B.Angkola

#SELAMAT PAGI PARA DONGAN#
(Bikin Pantun do pature pantun, semoga pantun bikin santun)
~Marhaban ya Ramadhan ~ ____________________________________________________________

Ehem...! Ehem...! Ehem...!

Assalamualaikumwarahmatullahiwabarakatuh
________________________________

Hal Sambutan Datangnya Bulan Ramadhan
________________________________

Padedo dipardongan  jolma parsobar
jolma parsobar do sahula dongan
Hami sakaluarga ison mandokkon khobar
marhaban ya ramadhan tu sahula dongan

Di bulak tobat anggia dibulakkon
ihan dipalua dongan di ambolongkon
ro ramdhan anggia aso rap tadokkon
alhamdulillah dongan hita ucapkon

Makkuling da kele doal masojid godang
sampe tu saba tolang ito lektaraso
ulang paitte da kele badan matobang
baru sumbayang ito dohot puaso

Rap hita anggia tu kampung setia
molo mardalan hita mar togu-togu
Ramadhan on anggia bulan mulia
pabahat maramal dohot marguru

Ari da anggia margotti bulan
dua bolas bulan idokkon sataon
puaso on leleng na sabulan
ulang attong idokkon sataon
_____________________________

Hal Dasar dan Kegiatan Puaso
_____________________________

Kehe makkail dongan poso-poso
masadari lek naso manyoroh
molo lupa dongan dasar ni puaso
baca hamu attong surat albaqoroh

Keta dongan maridi tu pulau pandan
marlange hita sakalian manyelam
molo puaso anggia bulan ramadhan
berarti malaksanhon rukun islam

Makkubang kantang pake piso
manggoreng bawang pake minyak
molo nung dapot waktu puaso
Ulang lupa sahur dohot niat

Halak na mardongan maraleale
halak tulang do marbabere
halak napuaso do na male
halak namale ulang mandele

Puaso dapot di bulan manyabi
habis manyabi dapot arrayo
ulang lupa attong marbagi
marbagi rasoki dibulan puaso

Sipirok nauli sipirok na robi
sibual-buali tengeton nami
di bulan puaso hami manyabi
semoga sobar mura rasoki
__________________________________

Hal Permohonan Maaf Sebelum Puaso
__________________________________

Marngalutan badan hatcit taraso
karejo sadari inda marrokker
aso dapot borkat ni puaso
marsimaafan hitale para pesbukker

Ditalpok bulung ni kacang
baen guleon di ari potang
molo au tarmasuk natakkang
mangido maaf tu para akkang

Sai dipartontoni do parsunglap
sai dikojari do layang-layang
dison au pe mangido maaf
tu para anggi adik sayang

Sai dikojari do layang-layang
layang-layang putus sian kayangan
songoni muse tu para borutulang
mangido maafda borutulang kecayangan

Kakakakakakak...kkk...kkk...

Selamat pagi di hari jum'at, selamat beraktivitas...!(rfs)

Wassalamualaikumwarahmatullahiwabarakatuh

Berikut Pangiteanna kawan tu Pantun Ramadhan 2 : Pangiteanna
______________________________________________________
Marysa Kirana Hsb, Ilhaem Goeltoem dan 9 orang lainnya menyukai ini. PopAds.net - The Best Popunder Adnetwork

No comments:

Post a Comment