“Muda mangulang rap margulu, ippal songon palu-palu. Pambangunan bisa lalu muda gogotta di padomu "SALAMAT MAMBANGUN ANGKOLAKU TU SUDE SENDI KEHIDUPAN"

Rabu, 12 September 2012

Lirik Lagu "NATINGGAL MENEK, MAPULTAK SIAN BULU, NAMARAMANG PANGGOTTI, MAGO HASONANGAN (Cipt.LUBIS) MAGOHASONANGAN (Cipt.Regar)"

#SELAMAT SIANG PARA KAWAN#
(Menyimak 10 Lirik Lagu Batak yang berhubungan dengan tanggung jawab orang tua
pada anaknya;marinang panggotti/marinang panoroni/beribu tiri atau ayah tiri)
~Bagian Tiga~
_______________________________________________________________

Berikut sambungan 5 Lirik Lagu ronde keduanya kawan :
_________________________

6.Natinggal Menek
_________________________

C  : M. Nasir Rambe
V  : Nazaruddin Rambe

Anak : O...Uma naso adongde ayakku uma, asi ma muda husapai sanga
           idia ayakku torus tangis do Uma manjawabna. Paboa majo uma
           tu au ?
Uma : iq...le amang, ulang beda pasunggul-sunggul anggo ayamu ?
Anak : Biasi Uma, songononma hatcitna hita. Natola huboto sanga idia
           ayakki.
Uma : Songonon doda amang, sabotulna anggo ayamu di kandunganku
           ho tolu bulan madung maninggalma ayamu. Ima aben na ngot-ngot
           hurasa paboa diho. Narohakki nung mangodang majoho so siap ho
           manarimona.
Anak : Anggo songonido Uma mangido maaf ma au, cukup maon husung
           gul aya tu Uma. Sobar doda au Uma , siap do au manarimona
           madung rasokitta do nasongonon :

Mangodang pe ambasang
namagodang di parrotcitan
mangodangpe pamatang
na magodang di parkatcitan

Hatcit dohot ngot-ngot
di au na tinggal meneki
so tubu dope iba sogot
mago maroburma ayakki

Manyiak ate-atekki
muda huida motcapki
sonangna na maramai
soadong na hurangi

O...ale Uma....!
hatcit nai hulala
tu ise nama iba
namandok aya

Asing do sitaonon
di badan di badan
si manare on
sanolipe sa umurki
so unjung mandok ayai

Nabahat labo ni ayah
inganan ni tua sahala
namarorot tondi ni anakna
unang malarat tarhina

Au dohot umakki
songon sarop di alamani
di sapu sampe manopi
so adongbei naparduli

____________________

7.Mapultak Sian Bulu
____________________

C  : A.Nazari Nst - Rizal Lubis
V  : Yunita Citra

Namanomuhon Dakdanak :
Sappulu taon na lewat anggi, doppak au kehe tu kobun. Lalu au disi op
pot au tar songgot mambege soro ni daganak na tangis. Hujalahi sanga
sian dia asal ni sorai. Dung ma pasuo dosar-dosar taroktokku. Hu ida
sada daganak dilambung ni gendongan, di toru ni bulu na bol-bol. Hupa
reso daganak adaboru dohot parabitonna.

Huligi humaliang huduk sampe hujug na adong namangalusi. Haran
ni ibo ni rohakku, huoban daganak on tu huta. Husapai sude dongan sa
huta inda adong namamboto sanga ise ayah/uma ni daganak on.
Ibaen i hupaliharo maho anggi di bagasan ni parkatcitan :

Dakdanak :
Oh...Tuhanku tolong ma au Hamba mon
Hatcit ni pananggungan on
so adong koum, so adong harta
halak sude marsipasilian

Sangat hatcitna tanggungan ni badan
naso marama naso marina
manguas male au di pardalanan
koum so ada harto so ada

Hancur ma tano parsijongjongan
gotap ma tali parsigattungan
inda dong halak na pature au
pas noma au na ma pultak sian bulu

Tuk ma dangolna parasaankon
au anakmon na sian panomuanon
mangan so mangan sada abit di badan
mar suap ilu ari-arion

Husapaima sanga dong mangida
kuburan ni damang dohot dainang
sada halak pe so adong mamboto au
tinggal ma au badan marniang

_____________________

8.Namaramang Panggotti
_____________________

C  : Ucok Sabata
V  : Yuni Damanik

Di sada maso kehe ma inang mangomo
di sada huta huta pamgarattoan
inda husangka dua bulando honokna
dainang marbagas dohot halak na lain

Tinggal marsakma ma baya tu damang
marsak mamikirkon sampe hati ni dainang
dua poken naung lewat kehema damang parjolo
parjolo manghadop, manghadop tu  ilahi

di tonga borngin di doras ni udani
mardalan ma au manopotkon dainang

tu dia ma au mangalakkahon patku nasodong dayona
damangpe ma parjolo, dainanagpe paorotkon
sadape sodong koum giot topotonku
nahatcit mada muda iba maramang panggotti
dohot doi baya da dainang mandondoni

Nahatcit mada muda nung ngalian
so adong damang dainang got mangulosi
indahanpe so adong butuha madung male
lobi-lobi ni halak soadong tarida

Milas ni ari on so adong parsilaungan
halak pe so adong namaribo ni roha
______________________

9.Mago Hasonangan
______________________

C  : Torkis Lubis
V  : Elida Hsb - Zainuddin Lbs

Dung damang dainang
mamutuskon marsirang
Inda jungadabe hami
rasoi nasonang

Lobi-lobi nung dainang
kehe marbagas
songoni muse damang
mambuat boru
tinggal ma hami baya
manaon si dangolon

Inda dong gunana
di sosali i sudena
harana mudung baya
takdirna sian Tuhan

dohot damang
au inda masuk
pambaen ni
inang panggotti
tu dainang au
so martarimo
pambaen ni
amang tiri

Sungan ma hami baya
songon unggas na habang
nasoadong baya hasonggopan

Mangadung pe au
so adong na mambegena
mangangguk pe au
inda dong na parduli

_____________________

10. Mago Hasonangan
_____________________

C  : Amanda Srg
V  : Maya dan Siska

Dohot bismillah mulo ni hata
Almamdulillah padua nolina
juguk pe hami di jolo ama ina
mangalaguhon parkatcitan nami

Nahatcitma pananggungan nami
dohot anggiku na dua tolui
marsuap ilu baya sasadari
manaonkon sude parkatcitannami

Muda huligi baya damangi
nadung lokot-lokot di amaki
dainangpe pangittubui
inda mardayo mago gogo nai

Kehe mayogot mulak potang ni ari
namanjalaki baya rasoki
marlasniari baya sasa dari
marudan potir hami solomi

Ro ma udan naso hasaongan
dohot angin naso hadingdingan
masopak dakka baya pargogoan
mulak ma damang tu jolo ni Tujan

Aso ma amang maninggalkon hami
dohot dainang naso margogoi
anggiku pe na duau tolui
tudia do ma sude huboani huboan

Husangka logo tu potang ni ari
hape na udan di tonga ari I
mulak musema inang pangittubu I
manopotkon damang tu liang kuburi

Oh..Tuhanku namaha kuaso
lehen de hami sifat ketabahan
tunjuki hami tu dalan na denggan
lehen di hami rasoki na halal

Selamat siang para kawan....! Silakan disimak atau di
copy jika memang diperlukan. Semoga kita semmua memperoleh
manfaat postif dari lagu-lagu tersebut seperti yang di
harapkan para pengarang atau penciptanya.

Cat :
Ke-10 Lagu-lagu tersebut adalah hasil kutipan dari
macam CD koleksi lagu-lagu batak penulisnya. Dan
Horas lagu-lagu batak...!(rfs)

5 Lirik lagu sebelumnya adong di son  para kawan...!


Tidak ada komentar:

Poskan Komentar