"MARSINONDANG MARCAHAYO SONGON BULAN SI OPAT BOLAS"

#SELAMAT MALAM TAPANULI# 

(Mengingatkan Pesan Moral Dari Tanah Kelahiran) _______________________________________________
Kakakaka...kkk...para dongan katuai, kapalai sangape gurui dohot kahanggi-i, berikut inti poda ni ortu yang mungkin perlu dingatkan aso lek tetap di jalur poda ngoluttaon. Selamat membaca bo kele-kelebo : __________________________________________________
Amang marpesan :
Tu hamu amang anak sidara doli dohot si dara budi naung parjolo mangoli bope na parpudi na tinggal di huta bope di rattoi _________________________________________________
Amang inang...!
Tor sigodong-godong, manongos itak anggodong soada itak sappohul pinomatna kirim solom. Kirim solom galunggung hararatte manjalin luka kirim solom malungun haranni holong ni roha Ranggas jala ronggis hajujuran ni hariomboja horas jala torkis ulang be nian bagi mahua.
________________________________________________
Amang inang...!
Baen madung diajaran hamu poda aso lek manjago hormat hamu tu na tobang sangape tu natua-tua Burangir saba tonga tolu rakkap karakona. Ise najais marnatobang tolu ribu tilakona.
________________________________________________
Amang inang...!
Madung suan songon ratte ni jala ranging marsiranggongan jala jalin marsijalinan tu pinuttun nai marsitiopan. Hamu sude nasasanggar saria-riado dohot salak-lak sasingkoru sa anak hamu amang inang jala saboru suman hamu songon namarsada ina _______________________________________________
Onpe amang inang tangi hamu disipaingot ni ama ina munu songoni muse poda ni opputta najumolo suhuti muda lupa hamu amang inang ra ma hamu tangis marsipareon.

Ijuk dohot imbalo, ugari dohot uhum, bisuk hamu dinamar pangalaho malo nian hamu mar koum. Suman hamu amang inang songon bulan si opat bolas marsinondang marcahayo hamu di parkarejoan munu, dipakkataion munu songoni muse di pangalaho munu, aso torang nai sude maroban sonang.
________________________________________________________
Amang inang...! au dison mewakili orang tua munu mandokkon, horas marhatorkisan nian hamu sudena manang nadidiape maringanan sai barokah muse nian naijalahan. Botima.
_______________________________________________________
Enter...! Kakakakakak...marpikir kapalaida, ingot selalu sipaingot.(rfs)