Minggu, 22 Juli 2012

Lirik Lagu "BUE-BUE 1"

"SELAMAT PAGI PARA KAWAN"
(Menyimak Lirik Lagu Tapanuli)
_____________________________________________

Cipt. A. Nazari Nasution
Voc. Nurhayati Ray

Modom...modom maho amang da anakku
modom marulak-ulakko amang di anggunanmi
modom...uuuuggg, o anakku haholongan...nnnn


Bue-bue maho ale amang
simbur magodang maho di anggunan
huparorot tondimu na togu
sinok modom maho da anakku

Wewawe sipulut di angkola
magodang ho amang anso kehe sikola
indu indadon uratni si barebe
anggodung saulakon mambuat boru napade

O anakku sinuan tunasku
modom madaho amang burju-burju
anggo ayahmu madung do iya kehe
paginjang roha marale-ale

Wewawe sipulut mandailing
ho maiya amang donganku na tading
indu indadon bulung pareme-eme
hudoahon ho amang anso tarjomak sere

Hatcit naon baya da anakku
dipaninggalkon ni da ayahmu
modom maho amang ubatni rohakku
paetma nian lalu tu mudarmu

Wewawe sipulut padang bolak
malo maho amang markoum tu halak
indu indadon batang na marumbakon
ho maiya amang pature au saulakon

Dangol naon ale baya amang
di au on nadi tinggalkonon
muda untung di pege na lambang
dohot sirape ra do burburon

Wewawe sipulut batang natal
malo maho amang marbisuk marakal
indu indadon soban nisi pardahan
mudah-mudahan mandapot rahmat ni Tuhan

Bue-bue maho ale amang
simbur magodang maho di anggunan
huparorot tondimu na togu
sinok modom maho da anakku

Wewawe sipulut di angkola
magodang ho amang anso kehe sikola
indu indadon uratni si barebes
anggodung saulakon mambuat boru napade

Dangol naon ale baya amang
di au on nadi tinggalkonon
muda untung di pege na lambang
dohot sirape ra do burburon

Wewawe sipulut batang natal
malo maho amang marbisuk marakal
indu indadon soban nisi pardahan
mudah-mudahan mandapot rahmat ni Tuhan

Modom...modom maho amang da anakku
modom marulak-ulakko amang di anggunanmi
modom...uuuuggg, o anakku haholongan...nnnn

Selamat Pagi para kawan...!

Tidak ada komentar:

Poskan Komentar