#SELAMAT PAGI PARA DONGAN#
(Tu para amang inang na tinggal di tano parjalangan)
______________________________________________________Tu hamu amang anak sidara doli dohot boru sidara budi.
Songoni para parumaen naparjolo sangape parpudi,
tarlobi lobi tu para pohoppu naung ungada pasuo bope naso ungada diligi.
Tor sigodong-godong, manongos itak anggodong soada itak sappohul, pinomatna kirim solom. Kirim solom galunggung, hararatte manjalin luka kirim solom malungun haran ni holong ni roha sakaligus pasombu luka
Ranggas jala ronggis, hajujuran ni hariomboja
horas jala torkis nian hamu amang unang be bagi mahua
Amang inang, bope para pahoppu baen madung dajaran hamu poda, semasa dihitaan, muse hamu pe namarsiajar do tupangalaman do, aso mamboto hormat hamu amang tu natobang sangape natua-tua
Attong amang inang, marsinondang hamu songon bulan
aso torang nai maroban sonang dohot puas.
Amang inang nadi huta na leban bope di tano parjalangan, mulai sabang sampai tu marauke, na tinggal di negara tetangga termasuk macanegara, manat-manat hamu amang dipardalanan ulang lupa sobar dohot syukur
Khususon na di Pakan Baru, Jambi, Palembang, Batam, Bengkulu dan Bengkalis, na statusna poso-poso sangape doli-doli, gogoi hamu amang namarusaho, molo mulak hamu arrayo on aso ta alap si gadis borutulangmi na sian bugisi
Amang inang, madung suan songon rante ni jala, rangging marsiranggongan boti jalin marsijalinan. Rante nai marsikaitan, tupinuntun nai marsitiopan, tarsongonima hangoluan munu da amang di tano pangaratoanan
Angke hamu sude na sasanggar saria-ria do, salaklak sasikkoru do,
hamu pe namar sada ina do, tottu muse saanak dohot saboru do.
On pe amang inang, tangi hamu disipaingot ni ama ina munu,
songoni muse poda ni opputta na jumolo suhuti.
Muda lupa hamu amang inang di sipaingot dohot poda ni opputta on,
rama hamu amang inang tangis marsipareon.
Ijuk dohot imbalo ugari dohot uhum, bisuk hamu dinapar pangalaho,
malo nian hamu mar koum.
Anggo borhat pangidoan, Suman musema hamu nian amang, inang, parumaen bope napahoppu songon bulan si opat bolas marsinondang marcahayo hamu, diparkarejoan munu, di pakata ion munu songoni muse di pangalaho munu.
Amang inang, hami natua-tua munu sian huta mandokkon horas, tu hamu na tinggal di tano pajalangan. Botima. Horas....horas...horas...!
Kakakakakakaka..kkk...kkk...biade ben namartata...! Kakakakakakaka..kkk...kkk...martata dope ia-i...! Hehehehehe...
Selamat pagi selamat beraktivitas...! Hal yang utama bagi penulis dari tulisan ditas
adalah memberi gambaran betapa kayanya Halak hita dalam penggunaan bahasa.(rfs)
__________________________________________________________
Ningsih Oktavia, Arifin Ritonga dan 5 orang menyukai ini.
No comments:
Post a Comment