"PANTUN SILAWAK DIBAGASAN AEK NI MATA"

#SELAMAT PAGI TAPANULI#

(Sekilas Pendapat Pada Kehidupan Anak Rantau-Tinjauan Humoris)
____________________________________________________
Humor Pantun Patujolona :

Atcimun anggia di sigalangan
utte manis sian anturmangan
atcit mada anggia hona tangan
hatcitan dope naso mangan

"Onang kele nabia de lakna hamu dipangaratoanan" ninna. "Nacarritohon beda kele" tottu nikku.
_____________________________________________________________
Ipagara banggar ipar pature bosi
bosi dibaen jadi sasabi
nahatcit mada ipar muda mangalusi
saraor sapotong sotartabusi

"Biasi Ipar" ninna tu au. "Mangarti malae jamanon, saraor sapotong saratus ribu. Gaji niba sabulan saratus ribu muse" pikirbo lae, nikkule.
_______________________________________________________________
Habang da kongsi piongot
nahabang da tuharangan
hutangihon do kongsi sipaingot
leng na tong ma hona tangan

"Anggo songoni kongsi, nakkonbe tangihon sipaingot" ninna muse. "Nalenong doho kongsi" nikku muse.
_____________________________________________________________
Takar dioban ipar jadi panare
napodo ditare madung di dege
pamatang ipar madung gale
haran ni butuha madung male

"Oda lae, ulangbe holan na gale. Molo gale, mangan jo lae" ning lae. "Oloda lae, anggo nadapot sate pinomata tempe dohot tape ate lae" nikku musele.
_________________________________________________________________
Landit dalan inang tu pargadungan
gadung sotubu tinggal lubangna
hatcit inang di pangarattoan
saraor sapotong pitu lubangna

"Onang kele, dappor mattong namaranaki. Narohado naung karejo di bank, hape jadi anak fang. Ulang margambo-gambo baen sipatu da amang. Pakkas obukmi ulang songon gadu naso dirimbasi baen. Kinnai irimbasi ayamu, aha ulumu" ning uma.
Sip aule.
________________________________________________________________
Landit matcai landit boru tulang
dalan-dalan mai harimotting
hatcit matcai hatcit boru tulang
gaji sataon dilojongkon huting

"Na naoto maho, hutingpe nataralo ho, nabia noma ho" ninna tua. "Nabittoton" nikku ibagasan rohakkule.
_______________________________________________________________
Roda da anggia roda jait
sikoci nai maroban bonang
dipangarattoan anggi markatcit
andigan noma namuli sonang ?

Kakakakkakaka.....kkkkk....andigan noma namuli sonang ?

Para dongan sapardiskusian khususnya anak rantau. Dari hasil komunikasi bersama kawan-kawan lewat jendela FB ini, saya merasa sepertinya kawan-kawan pada mengeluh. "Boratdo, mangan sajo susa, inda mangarti au, bagi nabiamaon, isi ro isi di adopan, na mulak-mulak be au" ninna sian sebagian.

Sebagian nai tottu sebaliknya attong anggia. Najolodo saraor sapotong sotartabusi, anggo sannarai nataretongbe. Najolodo isi ni doppeti karotes, anggo sannari marlugut tanda tangan ni derektur keuangan RI di doppeti, sude warna ni hepeng adong.

Ulang be carito kartu ATM, kredit card, id card. Boratna sajo pitu kilo. Ahhhhhhhhhh....nada bedattong. Marsyukur noma hoda amang jumpang nai luluimu.

Para kongsi nai pangarattoan....! jika hita anggia belum menemukan nai lului karena macam hambatan, maka saya hanya bisa berkata, "Tagogoi na karejoi, ulang lupa sumbayang, mardo'a, dohot pabahat sobar anggia paotik mangan" Botima.

Inya Allah...! napengasih do Tuhani sai dopot hita nian nai lului. Botima sakali nai ate. Kakakakakakakaka.......ombus angin tu dongan nasatano on, enter.(rfs)