"POKEN AEK DI ARI JUM'AT"

#SELAMAT PAGI TAPANULI# 

(Bikin-bikinmu, kubikin bikinku, Silawak-silawak 3) _______________________________________________________________

Dongan ale dongan, ito si boru tulang dongan saparcolekan...! Semakin sering awa yang ber FB ini, semakin sering pula jadinya teringat kampung. Awa mau pulang tak punya pitih, mau melupakannya juga tak bisa. Jalan tengahnya, mari kita mengarang berinspirasi tentang bagaimana serunya kehidupan huta hatubuan huta hagodangan, khususnya pada pembicaraan di Hari Jum'at di sada lopo Poken Aek Bagasnagodang Sipirok. Tokoh pembicaranya Mangaraja Saulakon dan Sutan Nasolalu (Bukan nama sebe narnya).
___________________________________________

Judulna : Sian kulit manis tu tiang listrik ___________________________________________

Mangaraja Saulakon :
Bah...hamu dei Sutan, perei rupa hamu sadarion, ma bia carito ni kulit manis nai suan munui ?

Sutan Nasolalu :
Imada...! nanggo tu bu anggia.
______________________________

Mangaraja Saulakon :
Ahana rupa di suan ko ?

Sutan Nasolalu :
Kulit nai, aha na dope di suan ?
________________________________________

Mangaraja Saulakon :
Kakakakaka...kkk....Patut do na tubu, kulitna na do attong isuanko, padahal kulit nai do hasilna. Nabia deho, bulung nai do suan, baca do attong buku da !

Sutan Nasolalu :
???? %%%%...????!!!! (bingung Sutani ahade si suanon aso hasilna kulit manis)
_________________________________________________________

Mangaraja Saulakon :
Madung mai, mangopi majo Sutan, pakaluar compili, aso tapajuguk dison paitte sholat Jum'at. Tapanotnoti jo, aha sajo namar lewatan sian Poken Aekon.

Sutan Nasolalu :
Jadi, aupe songon na steresdo sadarion pambaen ni kulit manisi. Sakalian marpikir-pikir bia molo digotti dohot coklat. Ne bahat do coklat di lopo sabolamon. _________________________________________________________________

Mangaraja Saulakon :
Patenang madisi napolai ! ligi...ligi...ligi bo indu ! Ise na lewatan, nanggo na ida ia beda narohakku dalanni. Ala...! anggia, itondong ia ma annon tiang listriki. Ligi..ligi...ligi be Sutan ! Ala anggia mai tondong ia. Ke bantu Sutan ?

Sutan Nasolalu : (Kehe attong sutanon mangaligina, tanpa menjawab). ______________________________________________

Mangaraja Saulakon :
Mabia Sutan...! biasi itondong ia tiang listriki ?

Sutan Nasolalu :
Tottu attong anggia di tondongia, same na baru ibubut dope attong i jujung ia, tottu manetek aek ni same tu matai. _________________________________________________________________

Mangaraja Saulakon :
Biasi ijujung, biasana di porsan do same ?

Sutan Nasolalu :
Nabisa diporsan ia , harana adong muse anak nia di oppa. Jadi, molo i porsan ia tottu hapit dakdanaki, nabiade mangaraja on...! __________________________________________________________________

Mangaraja Saulakon :
Torus...bia ibaenko nungi...?

Sutan Nasolalu :
Hu pabalik, dakdanaki di jujung, samei di oppa noma jadina. ___________________________________________________________________ Mangaraja Saulakon :
Aah...h, nahebet ma anggia-i. Bia molo berak dakdanaki, tottu i beraki ia ma ulu ni aya niai-i. Nabia de ho anggia...!

Sutan Nasolalu :
Jadi bia do hubaen anggo songoni ? __________________________________________________________________

Mangaraja Saulakon :
Adong tolu cara Sutan :

Cara sada :
Ikatkon attong samei tu tiang listriki, baru porsan samei. (baca 2X)

Cara napaduahon :
Ikatkon dakdanaki tu tiang listriki, baru porsan dakdanaki. (baca 3X)

Cara patoluhon :
Ikatkon dakdanaki tu samei, baru porsan tiang listriki. (baca 4X)
_________________

Sutan Nasolalu :
????!!!!....$$$##***//? narittik doho. Kema au, majam 11 got sumbayang au. ___________________________________________________________________ Mangaraja Saulakon : Kakakakakak...kkk....

___________________________________________________________________

Dongan ale dongan...! pesan yang mau saya sampaikan lewat taxi-taxi ini, semoga pertanian, perkebunan sai tumajuna nian sude na sian hita an, sahingga pengaruh muse tu hamajuan ni dakdanak. Botima.

Enter...! selamat pagi di hari Jum'at bersama aktivitasnya, baen nakarasnai pun nahipas nai, aso rap tarulibe hita. (rfs).
__________________________________________________________________
Budi Bayo Alogo, Nur Kholiza Hutasuhut, dan Maya Dalimunthe menyukai ini.