Kamis, 15 Januari 2015

Sipirock Coffee : Mangaligi Dongan Sakalas dohot dongan Sasikola


#SELAMAT MALAM PARA KAWAN#
(Menyimak info sekitar Sipirock Coffee sebagai dongan sakalas ni
Djisamsu, sekaligus dongan sasikola ni Kopi Serasi, Kopi Pinabar
dohot Kopi Anturmangan dari hasil kunjungan penulis bersama keluarga
ke Sipirock Coffee di Jl. Tb. Simatupang, pun info sekitar siapa
Tb. Simatupang. Juga memberitahu sekilas inspirasi pada saat kunjungan
tersebut.  Mainkan...!)
________________________________________________________________












________________

Kata Pengantar
________________

Oke...! Di mainkan.

Ehem...ehem..ehem...!

Horas Kopi Serasi, "Semoga tetap serasi" di lidah ni halak hita.
Horas juga Kopi Pinabar, "Semoga dapat bikin maringgas" halak hita
khsusnya halak-halak Pining Nabaris...!

Horas juga Kopi Anturmangan, "Semoga dapat menjadi wilayah tempat
tanam kopi terbaik se Tanah Batak".

...pun...

Horas Kopi Sipirok yang yang memakai nama Sipirock Coffee, "Semoga
dapat menjadi menginfirasi untuk membikin Kopi Sipirok tidak saja
me-Nusantara juga men-Dunia.

Para kawan, Ito Iboto, Ipar Borutulang di manapun berada...!

Mohon ijin....!

1. Memberikan pendapat, penilaian, atupun saran sekitar Kopi Sipirok
   baik yang mengatasnamakan Kopi Serasi, Kopi Pinbar, Kopi Anturmangan,
   Kopi Situmba ataupun Sipirock Coffee.

   Pendapat, penilaian, atupun saran ini disampikan sehubungan dengan
   kunjungan penulis ke Sipirock Coffee pada Minggu, 11 Januari 2015
   yang lalu.

   Juga...!

   Bertujuan untuk memperoleh gambaran bagaimana kira-kira kedudukan/
   keberadaan kopi-kopi tersebut di masyarakat Tapsel, khsusnya Sipirok

   Pendapat, penilaian, atupun saran akan penulis sampaikan lewat
   ilustrasi tanya jawab dalam bahasa Batak Angkola.

2. Menyajikan informasi sekitar, "Siapa TB. Simatupang" karena beliau
   bukan saja "Halak Hita", juga Sipirock Coffee  tersebut ada di
   Jl. TB. Simatupang. Uraian ini akan disampikan dalam Bahasa
   Indonesia.

3. Memberitahu On Line Percetakan (Muara Reklame) sebagai inspirasi
   yang timbul pada saat mengunjungi Sipirock Coffee tersebut. Dan
   akan disampaikan dalam Bahasa Batak Angkola
 

Demikian pengantar katanya atapun kata pengantarnya....dan....
"Selamat menyimak....!" bersama musik "Kopi Spirok"

Musik...!




__________________________________________________________________

Sekilas Ilustrasi Proses tanya Jawab antara Ja Abang (Rahmat 
Parlindungan Siregar) dengan Ja Anggi (rizki Fattah Siregar)
sehubungan dengan kunjungan ke Sipirock Coffee tentang macam
hal yang berhubungan dengann Kopi Sipirok
__________________________________________________________________

* Ilusrtrasi :

Al Kisah...!
Setelah berkunjung ke Sipirock Coffee, saya Rahmat Parlindungan
Siregar bertemulah dengan adik penulis Rizki Fattah Siregar di
salah satu Lopo Kopi di Poken Aek Sipirok Godang.

Sambil minum Kopi, maka sayapun menunjukkan photo saya bersama
kakaknya. Ini Photonya :





















Sehubungan dengan photo tersebut maka inilah ilustrasi tanya
jawabnya dalam Bahasa Batak Angkola :
_________________________________________________________________________

* Hal Lagi di Sipirock Coffee

Ja Anggi :

Jadi taringotna Ja Abang...! Photo ni Kakak do tai na huida nai
ginjagan ate...! Lagi didia de on...?

Ja Abang :

Lagi di Sipirock Coffee, Jl. TB Simatupang Nomor Sekian. Bia
rupa...?

Ja Anggi :

Tai sada kakak-i do hu ida...? Okke naipalua ni abang
do kakak i sada-sada ia...?

Ja Abang :

Indale...! Dohot do aui. Molo naporcayaho indon photona :






















* Hal Lopo, Hotel, Kedaie, dohot Cafe

Ja Anggi :

Songon naminum kopi do tai huida abangi. I lopo nise de on

Ja Abang...?

Nanggo Lopo on Ja anggi...! Hotel do on. Napor caya ho ligi
maindon photo on...?





















Ja Anggi :

Bah... hotel de on...! Piga tingkat hotelon ja Abang...?
dohot di tingkat pigama abangi na minum kopi-i...?

Ja Abang :

Anggo tinggkatanna nahoboto ba Anggi-i, nasompat dabo huetong.
Au minum kopi di tingkat pitu "Molo nasala".

Ja Anggi :

Isede Nappuna Lopo-on Ja Abang...! Maksudku Nappuna
hotelon Sipirock Coffee Ja Abang...?

Ja Abang :

Nahuboto ba Ja Anggi...! Naong dabo merekna disi. Sugari attong
adong tulisan di si napaboahanon misalna, "Nappuna Hotel
Sipirock Coffee" tottu binoto.

Ja Anggi :

Serius majo Ja Abang...!
Bangunan ni Sipirock Coffee-on tarmasuk Lopo de, Hotelde,
sanga Cafe. Harana ni tolu tempati rap adongbe do kopi.

Ja Abang :

Anggonarohakku tarmasuk Cafe-ba, harana molo hotel naong kolam
renang na anggia...! Molo idokkon Lopo naong muse tataringna.
Ne ido...!

Ja Anggi :

Anggo songoni cocokna goar ni tempaton "Gedung KPK" do ning
abang. Maksudku "Kopi Pirok Kopi". tai molo di baca "Cafe
Sipirock Coffee"

Ja Abang :

Bagi nadiama...! Asalma nahoras be.
_____________________________________________________________________________

* Hal Raso ni Kopi di Cafe Sipirock Coffee










Ja Anggi :

Taringotna Ja Abang...! Biade attong raso ni kopi Sipirock Coffee
on, sarupe de dohot raso ni Kopi Sipirok nadihitaon, misalna
kopi Serasi, Pining nabaris, sangape Kopi Anturmangan...?

Bia muse perbandinganna dohot kopi-kopi buatan pabriki songon
Kapal Api, kopi ABC sangape Kopi Liong...?

Ja Abang :

Anggo soal "raso" dabo narelatipan doi Anggi. Raso on sangat
dipengaruhi kebiasaan, rasa suka, pengalaman dohot kesehatan
sangape kondisi fisik seseorang pada saat mangarasoi seuatu
masakan sangape minuman.

Ja Anggi :

Maksud ni abangi...?

Ja Abang :

Fokus ma hita tu masalah minuman, "Ne Kebiasaan do anggia
namanyebabkon halak hita haran natabo i rasa halai kopi-i,
songoni muse susu sangape teh.

Songoni muse "Rasa Suka" bope tu raso ni minuman i sandiri bope
tu hal-hal namarhubungan tu minumani. Madengan sendirina do halak
Sidikalang mandokkon Kopi Sidikalang tabo, bope tabo so tabo.
Songoni muse halak Sipirok. Madengan sandirina do halak Sipirok
mandokkon kopi Sipiroki tabo.

Songoni muse "Keadaan Kesehatan" ni sada-sada halak marpengaruh
doi tu raso pada saat mangan sangae minum. Halak nahurang
sehat minum na tonggi pe, ra do i taraso paet. Sementara
minuman napaet idokkon ia muse manis, padahal tonggi-do.

Taringot ni "Relatifna raso-on sude", madung do digambarkon halak
hita lewat lagu namar judul, "Salak Sibakkua".

Tonggi, Sapot, Tai Tabo = Relatif (Tonggi; belum tentu tabo.
Sapot; masama na tabo. Paet; ise mandokkon tabo dohot biasi
natabo. Ne natabotokan...! Adongdokan istilah anggia "Tabo
sotabo pokokna tabo" Natabotokan...!

Ja Anggi :

Langsung ma ijawab abang da. Tabode sanga inda raso ni
Sipirock Coffee-on boti do...!

Ja Abang :

Tabo...! Jam 4 Sore huminum, sampe jam 11 bongin lek taraso
tabo nai.

Ja Anggi :

O...ooooow....!
__________________________________________________________________________

* Hal Penggunaan Nama Serasi, Pinaba dan Sipirock Coffee






Ja Anggi :

Biado pandapot ni abang mangenai penggunaan nama sangape
goar ni Sipirock Coffee-on dalam hubunganna tu Serasi dohot
Pinabar termasuk Kopi Anturamangan...?

Ja Abang :

Biama hudokkon anggia...!

Ja Anggi :

Idokkon Abangi, sidokonon ni abangi. Molo hudokon annon nai
dokkon ni guru-i, jadi murlenong muse halak. Na sude do guru
jolma di htaan.

Ja Abang :

Singonon do dabo-i Anggi, moloma idokkon "Sipirock Coffee"
sinonim doi dohot "Kopi Sipirok". Haran ni-i, molo marbicara
ma hita mangenai Kopi Sipirok sangape Sipirock Coffee madengan
sandirina do hita marbicara mangenai Kopi Sarasi, Kopi Pinabar,
Kopi Byulu Mario, Kopi Situmba, Kopi namaranggas dohot Kopi
namata, tarmasuk Kopi Nai Jomur dohot nai duda.

Harana...!

Sudei bagian ni Kopi Sipirok doi, bagian ni Sipirock Coffee.
Letleti MD tu DM, DM tu MD.

Ja Anggi :

Jadi molo sebalikna Ja Abang...?

Ja Abang :

Tinggal pabalikonnoma hoi...!
Madung...?

Ja Anggi :

Madung Ja Abang...!
Mantap berarti goar ni Sipirock Coffee-i. Berarti aso lek di
toru goar ni Sipirock Coffee-on anggon adongma muse Kopi Tapsel
Coffee, ate abang...?

Ja Abang :

Olo...! Diginjang ni-i muse akon adongma Kopi Batak Kopi sangape
"Kobako". sangape "Kabeka" atapun "KBK".
__________________________________________________________________________

* Hal not just coffee it's hiritage










Ja Anggi :

Ahamuse de Ja Abang artini "Not just coffee it's heritage...?"

Ja Abang :

Ah...! Ligimattong di terjemahan google.com da...!

Ja Anngi :

Aso unang mangaligi mada Abang haran na husapai...!

Ja Abang :

Aupe nahuboto ba...! Tai anggo narohakku sakitar dipilihanondo
arti ni-i :

1. Not just coffee it's heritage = Bukan hanya sekedar minum kopi
2. Not just coffee it's heritage = Kopi bukan hanya warisan
3. Not just coffee it's heritage = Hanya minum kopi yang jadi warisan
4. Not just coffee it's heritage = Tak cuma kopi yang jadi peninggalan

Ja Anggi :

"Bukan hanya sekedar minum kopi" ima narohakku artina napaling
cocok ba Ja Abang...!

Ja Abang :

Atur madisi...!
______________________________________________________________________________

*  Hal Sipirock Coffee sakalas dohot Djisamsu

Ja Anggi :

Oke Ja Abang...!
Paham so paham, aupe paham ma au disi...!

Taringor ni  Sipirock Coffee on, "Biama cara ni abangi manggambarkon
bahaso Coffe Cipirock on Sesuatu yang tabo, sementara kopi Sipirok
lainna, seperti Cap Serasi, Cap Pinabar, Cap Anturmangan lek
natong muse do tabo...?

Ja Abang :

Amma anggia...! Nahebat attong parsapaan mon.

Sannari songonon...!
Molo di kalas "Parsigaretan" adong mai nai dokkon "Djisamsu" di
antara sigaret-sigaret nadong di Nusantara on. Misalna attong
sigaret on :









Sian sude sigareton khsusna di taon 80-90-an."Djisamsu-on"
tarmasuk "Raja ni Segaret maon". Harani-i, najarangan do halak
manulak sigaret Djisamsu molo dilehen.

Molo na dilehen, "Jot-jotma sigareton mago-mago sabatang" molo
dipayakkon di lopo kopi di hitaan. Kadang molo na adongpe sigaret
nia, nanggo dipakaluar ia bei, aso tibu habis Djisamsuon. Harana
attong, taboan di bandingkon Sigaret nia-i.

Ne salah sada tanda ni jolma na waras, "Akon marjob ni rohado tu
natobo-tabo anggi-i...?"

Ja Anggi :

Olo Ja Abang...!
Dohot tanda ni jolma nahurang waras, "Naso tabope lek dipapangani
ia songoni ate abang...?"

Ja Abang :

Jadi hubunganna attong ja Anggi-i tu  Sipirock Coffee-on,
" Sipirock Coffee on tarmasuk sakalas maon dohot Djisamsu molo di
parsigaretan". Madung...?












Ja Anggi :

Madung Ja Abang...!
Jadi molo Kopi Serasi, Pinabar dohot Kopi Anturmangan, ise musema
dongan sakalas nia ja Abang...!

Ja Abang :

Na huboto Ja Anggi...! Tai anggo narohakku nanggo sakalas be halai-i,
tai sasikola...!


























Ja Anggi :

Maksud ni Abangi, sasikolado Kopi Serasi, kopi Pinabar, Kopi
Anturmangan dohot  Sipirock Coffee-on ate abang...?

Ja Abang :

Olo anggi...! Molo na porcaya anggi-i, isapai anggi-ima para
pengelola nai, pasti sasikola halai, tai kalas ni halai marbeda.

Ja Anggi :

O...oooow.., ma paham da au ja Abang, "Sikolo boleh sama tai
kalas bisa marbeda ate abang"

Ja Abang :

Olo...!
Ulangbe atong ulaki ulaki ulaki ulaki ulaki ulaki-da...!
_________________________________________________________________________

* Hal Argani Kopi Serasi, Pinabar, Anturmangan dohot
  Sipirock Coffee

Ja Anggi :

Anggo songoni uba godangdo argani  kopi di Sipirock
Coffee-on Ja Abang...? Sadia argana sagalas...? Bisa de
tamba aek Ja Abang di Sipirock Coffee-on...?

Ja Abang :

Tai ma hugambarkon tu anggi-i sigaret Djisamsu. Tergantung ho
nomai. Aha si garemu sannari...! Molo Djisamsu misalna Mararga
20 ribai, sigaret Gudang Garammu mararga 18 ribai, berarti beda
2 ribai. Molo si garetmu mararga 10 ribai berarti beda 10 ribai.
Molo timbako bakkalmu mararga 25 ribai, berarti ummura 5 ribai
sian Djisamsu. Madung...?

Ja Anggi-i :

Jadi, saleleng abang minum kopi, "Sadiama arga ni kopi napaling
godang argana sagalas ja Abang...?"

Ja Abang :

Napaling godang argana iminum abang Kopi 50 ribai sagalas. Ima
kopi waktu dibagas ni iboto si Erna. "I bayar Tulangle kopi na
habaen on, got kehe latihan Paskibra tu Sidippuan" ning bere-i
sambil manjalang au. Boh...! Hubayar attong 50 ribai, Jadi ima
kopi napaling godang argana sagalas huminum ja Anggi.

Ja Anggi :

I dabo, nanggo bayar ni kopi-i. Tai mangalehen hepeng abangi di
Bere-i. Maksudku na bayar si katutu doda Ja Abang...?

Ja Abang :





























Ket :
http://angkolafacebook.blogspot.com/2013/08/citilink-enaknya-kopi-kapal-api-dalam.html

Napaling godang argana huminum kopi sagalas Ja Anggi, ima waktu
marpesawat "City Link" 20.000,- ribai Ja Anggi sagalas waktu di
langit. Harusongonipe nanggo manyosal au-i Ja Anggi-i...! Harana
attong, "Harga selangit nai minmi di langitdo...!" Biasa itu...!

Ja Anngi :

Termasuk masuk hebat do abangiba...!
Halak anggia minum kopi di saba do, di kobun, paling kuat ma di
lopo, hape attong abangi minum kopi di langit ate...?

Jadi, mangihut koni Ja Abang, "Situasi dan kondisi pada saat minum
kopipe marpengaruh do tu argani kopi bope nasagalas ate abang...?

Ja Abang :

Olo Ja Anggi...! Moloma taparinci, on manarohakku sebagian faktor-
faktor namampangarahi argani kopi sagalas :

1. Raso ni kopi-i termasuk tabode sanga inda. "Raso ni kopi de kopi-i"
   ima hata lainna. Inda marlaku di kopi istilah, "Asal lomlom kopi".
   Nakkon pe lom-lom anggo kopi-i lek natong do-i kopi.

2. Biaya produksi sangape proses penciptaan kopi-i. Idadudado,
   igilingdo, ipahiangdo sanga i pakoringdo, marpangaruh ma sudei
   tu arga ni kopi.

3. Jumlah produksi, otikde sanga bahat, termasuk kemasan nai.

4. Mangaligi tempat nai, termasuk Lopode, Hotel de, sanga cafe de.
   Sude on punya aturan main dalam penetapan harga sagalas Kopi.
   Dohot adong muse paretonganna tu pajak.

5. Job ni roha pemilik Lopo, Hotel sangape Cafe tu halak naro.
   Tarmasuk hubungan pertemanan dan kekerabatan. Tola dakan ipa mura
   arga ni kopi tu Anak Namboru niba.

6. Sajian nai dalam hubunganna tu masa sannarion. Mar Ac-de tempat
   nai sanga inda. Tola de marende sanga inda, bisa de marinternet
   sanga inda. Dan lain sebagainya ma songoni.

Ja Anggi :

Taringot ni interneti Ja Abang, adongde di Sipirock Coffee-on.
Maksudku na gratisi. "Wi-Fi de goarna sanga Fi-Wi...?"

Ja Abang :

"Fi-Wi anggi anggo di balik. Tai anggo di balik jadi Wi-Fi.
Haru songonipe aso ulang marbalik-balik dokkon Fi-Wi, unang
Wi-Fi, aso ulang tarbalik-balik. Harana molo tarbalik-balik
jadi Wi-Fi noma nimmu-i, padahal Fi-Wi do na botul. Nanggo
Wi-Fi. Nabotul anggia...?

Adong narohakkuba di Sipirock Coffee- Fi-Wi-i. Adong dabo
tulisanna huida di goruk-goruk ni pittu ni halai-i.

Ja Anngi :






























Anggo songoni Ja Abang...!

Tu Cafe "Sipirock Coffee" majoba awal bulan nagot ro. Aso pasonang-
sonang roha jo, minum-minum kopi iba disi, maronang-onang marsitogol,
mar Wi-Fi Fi-Wi iba disi, bila porlu manortor-nortor iba dohot oppu
adaboru, marsimonjap marsiayak. Tola dokan abang...?

Taringotna Ja Abang...!

Sadiama iba maroban hepeng tu Cafe Sipirock Coffee-on aso sude
minuman dohot panganon nadong disi, bisa tarnikmati iba.

Harana...!

Sagala macam makanan minuman khas Sipirok tersaji dengan lengkap
lengkip do ninna hubege disi.


Ja Abang :

Oban hepengmu sabakul...!

Nabahatma parsapaanmu ba Ja Anggi...! Habiskon kopimi-le, so ta
tinggalkon Lopo Poken Aekkon.

Ja Anggi :

Jadi Ja Abang...!
Dinas tu dia abang sadarion...?

Ja Abang :

Dinas tu Saba Jae ba Ja Anggi...! Anggi-i tu dia sadarion...?

Ja Anggi :

Got tu Sidippuan Abang-ba,
Mangalap gaji jo narohakku...!

Ja Abang :

Tolema-tolema...!
Na jobu-jobuma hamu halak Sipirokonba...!
Karejo hamu anggia di Siprok, tai gaji munu di Sidippuan.

Jadi bia molo Karejo hamu di Sidimppuan...!
Uba di Tangerang muse noma gajimunu-i...!

Agkh....!!!!!!#####@@@@@@??????%%%%%....

* Hal Analis Kopi Sipirok Masa Mendatang

Ja Anggi :

Bia do pandapot ni abangi, mangenai keadaan ni Kopi Sipirokon
tu masa-masa nagot ro-on...! Cerahdo, golapdo sanga samar-samar,
sanga cuma membikin ngolo-ngolu hosa...?

Ja Abang :

Pandapotku Ja Anggi...! Lebih Cerahdo keadaan ni Kopi Sipirokon
tu masa-masa nagotro, bope dalam beberapa situasi mangalehen
gambaran "Boratdo...".

Sian hasil mangecet di bulan Desember '14 dohot Uda Saja Siregar
yang mungkin saat ini menjadi Ketua adat dan Kepala Dusun untuk
Sipirok Godang dan sekitarnya, au manangkap :

1. Madungdo tarida hasemangatan ni Halak Sipirok dan sekitarnya
   tu satiap parkarejoan nihalai, sejak Sipirok manjadi Ibukota
   ni Tapanuli Selatan.

   Inda haru taridabe di jaman sannarion, halak namarleha-leha
   di Sipirok. Inda dong be para remaja sangape orang tua naminum-
   minum kopi sajo di lopaan paitte potang.

   Sipirok sannarion madungdo songon kondisi ni jolma natinggal
   di Parumahan, "Jam 8 pagi dope inda taridai be jolma-i. Sibuk
   manjalahi ngolunabe, mamparbaiki ngolunabe sesuai profesi
   masing-masing. Sikola ma na sikola, tusaba ma na tusaba".

   Mereka-mereka itu sudah seperti orang yang selalu "Berpacu
   dengan waktu" Ini jam ini minit ini detik hidup harus selalu
   lebih baik" Ima sannarion prinsif di halai.

2. Pamarettape, madungdo tarida sepak terjangna. Kritikan, hujatan
   dan segala macamnya yang memberi sudut bagi Pemda Tapsel untuk
   tersudut dari masyarakat Sipirok dan sekitarnya ternyata
   memberi damfak positif untuk banyak hal. Beberapa Sarana dan
   Prasarana di Sipirok telah menjadi lebih baik.

Hidup Pemda Tapsel...!
Hidup masyarakat Sipirok dan sekitarnya...!
 
"Maju terus, pantang mundur, khsusnya dibidang tanam kopinya".

Baju ninna hum namarburuki
saraorpe hum namaribaki
sai tumajunama kopi sipiroki
aso sude naburuk bisa margotti

Ja Anggi :

Amma ngale ja Abangon...!

Amin ya robbal alamin...!
___________________________________________________________

Sekilas info tentang TB. Simatupang dalam Bahasa Indonesia
___________________________________________________________








* Awal kehidupan

Simatupang dilahirkan sebagai anak kedua dari delapan bersaudara.
Ayahnya bernama Sutan Mangaraja Soaduan Simatupang dan ibunya bernama
Mina Boru Sibutar. Ayahnya bekerja sebagai pegawai kantor pos
pemerintah dan sering berpindah tempat tugas, dari Sidikalang pindah
ke Siborong-borong, kemudian ke Pematang Siantar.

Simatupang menempuh pendidikannya di HIS Pematangsiantar dan lulus
pada 1934. Ia melanjutkan sekolahnya di MULO Tarutung 1937, lalu ke
AMS di Jakarta dan selesai pada 1940. Setelah menyelesaikan pendidikan
dasar dan menengahnya, Simatupang mendaftarkan diri dan diterima di
Koninklije Militaire Academie (KMA) yang merupakan sebuah akademi
untuk anggota KNIL, di Bandung dan selesai pada 1942, bertepatan
dengan masuknya tentara Jepang ke Indonesia.

Simatupang menikah dengan Sumarti Budiardjo yang merupakan adik
dari teman seperjuangannya Ali Budiardjo. Pasangan ini dikaruniai
empat orang anak, yaitu: Tigor, Toga, Siadji, dan Ida Apulia.

Salah seorang di antaranya meninggal. Ia dikarunia empat cucu, yaitu:
Satria Mula Habonaran, Larasati Dameria, dan Kezia Sekarsari, serta
Hizkia Tuah Badia.

* Karier militer

Dalam masa perjuangan mempertahankan kemerdekaan, Simatupang turut
berjuang melawan penjajahan Belanda. Ia diangkat menjadi Wakil Kepala
Staf Angkatan Perang RI (1948-1949) dan kemudian dalam usia yang sangat
muda ia menjabat sebagai Kepala Staf Angkatan Perang (1950-1953).

Pada tahun 1954-1959 ia diangkat sebagai Penasihat Militer di Departemen
Pertahanan RI. Ia kemudian mengundurkan diri dengan pangkat Letnan
Jenderal dari dinas aktifnya di kemiliteran karena perbedaan prinsipnya
dengan Presiden Soekarno pada waktu itu.

* Aktivitas di luar militer

Simatupang pernah mengatakan bahwa ada tiga Karl yang memengaruhi
hidup dan pikirannya, yaitu Carl von Clausewitz, seorang ahli strategi
kemiliteran, Karl Marx dan Karl Barth, teolog Protestan terkemuka abad
ke-20. Seluruh kehidupan Simatupang mencerminkan peranan ketiga pemikir
besar itu. Setelah melepaskan tugas-tugas aktifnya sebagai militer,
Simatupang terjun ke pelayanan Gereja dan aktif menyumbangkan pemikiran-
pemikirannya tentang peranan Gereja di dalam masyarakat.

Dalam aktivitas gerejawinya itu, ia pernah menjabat sebagai Ketua
Persekutuan Gereja-gereja di Indonesia, Ketua Majelis Pertimbangan
PGI, Ketua Dewan Gereja-gereja Asia, Ketua Dewan Gereja-gereja
se-Dunia, dll.

Di lingkungan kemasyarakatan, Simatupang menjabat sebagai Ketua
Yayasan Universitas Kristen Indonesia dan Ketua Yayasan Institut
Pendidikan dan Pembinaan Manajemen (IPPM). Ia bahkan merupakan salah
satu pencetus lembaga pendidikan ini, ketika di Indonesia belum banyak
orang yang memikirkannya.

Simatupang percaya bahwa Indonesia membutuhkan pemimpin-pemimpin yang
menguasai ilmu manajemen di dalam perusahaan maupun di tengah masyarakat.

Pada 1969 Simatupang dianugerahi gelar Doctor Honoris Causa dari
Universitas Tulsa, Oklahoma, Amerika Serikat.

Sumber :
Wikipedia Bhs Indonesia

_________________________________________________________________________

Hubungan Jl. TB. Simatupang Jakarta Selatan dengan Sipirock Coffee 
_________________________________________________________________________


















Sipirock Coffee memang ada di Jl. TB. Simatupang ini. Ini
gambaran denah lokasinya jika para kawan mau kesana :

























_______________________________________________________________

Inspirasi On Line Percetakan (Muara Reklame) dari Hasil Kunjungan
ke Cafe Sipirock Coffee
________________________________________________________________

Hahaha....

Meski tidak terlalu lama ditempat ini, tapi penulis merasakan
lebih menguatkan keinginan penulis untuk, "On Line" di bidang
"Percetakan" dengan Nama Website-nya : Muara Reklame.

Karena itu...!

Untuk masa-masa yang akan datang Blog ini akan di isi dengan macam
info yang berhubungan dengan Percetakan termasuk pepmeritahuan
"Terima Pesanan Cetak". Karena memang inilah profesi penulis dalam
istilah propesionalnya dan "Periuk" dalam istilah rendah hatinya.
disamping profesi lainnya.

Ketika postingan percetakan telah selesai penulis akan memberikan
link blognya di sini :
....................................................(menyusul)
____________

Penutup
____________

Demikian info pemberitahuan, pendapat, penilaian dan sarannya
para kawan-kawan sekalian.

Semoga dapat lebih menginsfirasi kita sekalian, guna lebih memajukan
Kota Sipirok, khsusnya di bidang Kopi.

Mohon maaf jika ada yang merasa kurang berkenan dalam postingan ini.
Dan mohon ijin mengakhirinya dengan pantun bebas taki-taki ala Angkola :

Kopi Pinabar Pining Nabaris
diracik khusus di andos torang
unang be boru tulang hum natangis
hupaitte doho sampe magodang

E...dago inang...!
Natobang-tobang naso suanonon....
ma maruban tai lek gait...!

Kopi ninna kopi sipirok
obanon silua tu kota Medan
ning na modom inda tarsinok
hape tarsinok madi Medan

te...tetet....
medan...medan...medan...

Kopi ninna kopi Serasi
palastikna marwarna warni
tandanya adek cinta sejati
sajikan kopi dek satiop ari

Ah Hus...!
Kontarakan so nai bayar dope...
Listrik pupu tarlambat...
Uang sikola ni dak danak marlakap-lakkap...

"Sip ho isi...!".

Kakakakakaka...kkkkk.....kkkkk.....

Selamat borngin...!
________________________________________________________________________
Cat :
Link dibawah ini masih berhubungan dengan macam info sikitar Kopi
Sipirok :
http://angkolafacebook.blogspot.com/2014/08/festival-kopi-sipirok-2-2014-antara.html
http://angkolafacebook.blogspot.com/2014/08/fetival-kopi-sipirok-ide-waktu-tujuan.html



PopAds.net - The Best Popunder Adnetwork

Tidak ada komentar:

Poskan Komentar